20 de dec. de 2013

Os Reis Magos visitan a aula de 2º

Hoxe os nenos e nenas de 2º tivemos a visita dos REIS MAGOS chegados de Oriente!

Tamén tivemos unha CHOCOLATADA con CHURROS, riquísimos!!!!!!!!!!! 


Incluso cantamos unha panxoliña!!!!!!!!!






19 de dec. de 2013

Recursos de Nadal en galego na rede


15 de dec. de 2013

1º recibe outra visita

O xoves 12 de decembro  a clase de 1º estaba traballando e alguén petou na porta. A profe foi ver quen era e encontrouse coa nai de Hugo que quería ensinarnos algo. Resulta que Hugo e a súa irmá teñen unha mascota moi especial: unha cría de iguana. De momento é moi pequena, pero pode medir máis dun metro de longo!!!! Hugo está moi contento coa súa mascota e estaba feliz de ensinala a toda a clase.



13 de dec. de 2013

2º tamén felicita o Nadal

O alumnado de 2º curso tamén realizou un bo traballo coas tarxetas de Nadal.


As tarxetas de Nadal de 1º curso.

Os nenos e nenas de primeiro curso fixeron unhas postais de Nadal moi fermosas para felicitar as festas a todos e todas. Aquí as temos.

29 de nov. de 2013

1º aprende a xogar ao trompo

Polo San Martiño,

 trompos ao camiño.

Polo San Amaro, 

trompos ao faiado.

Á clase de 1º gustoulle tanto ver xogar os maiores do cole ao trompo que quixeron aprender. Empezaron por poñer o cordel e lanzar o trompo. O curso que vén perfeccionarán o lanzamento e verán de ser capaces de facelo bailar. 

Aparte de practicar no patio, tamén aprenderon o refrán co que empeza este texto e unha adiviña que di así:

Para que eu baile, póñenme a capa

porque sen capa, non podo bailar.

Para que eu baile, tíranme a capa

porque con capa, non podo bailar.

 


En 1º recibimos unha visita

O venres, 15 de novembro, tivemos unha sorpresa: visitounos Iroko, a nosa compañeira de Infantil que marchou para  outro colexio. Démonos moitos bicos e ademais non houbo que presentarlle os compañeiros e compañeiras novos porque xa se coñecían. Pasamos un bo rato con ela durante o recreo e a hora de ler, ata que a súa nai a veu buscar. Invitámola a vir outra vez.





 

28 de nov. de 2013

Natalia trae...

Un día de setembro, Natalia trouxo a clase ovos de pomba da casa da súa avoa.



25 de nov. de 2013

25 de novembro : Día Internacional da non violencia contra a muller

O 25 de novembro foi declarado pola ONU o día Internacional da Eliminación da violencia contra as mulleres.
Escolleuse ese día para lembrar as irmás Mirabal.


Para traballar a igualdade, vede aquí este traballo do noso alumnado:
 Rosa Caramelo, un conto de Adela Turín para tratar o tema do sexismo .

E este ano Kalandraka Editora publicou outro dos álbumes ilustrados desta autora: A Historia dos bonobos con lentes, outro fabuloso título sobre a igualdade e a coeducación:

4 de nov. de 2013

Samaín en 1º

Así celebramos o Samaín na clase de 1º:

2 de nov. de 2013

Samaín 2013

Un ano máis tentemos recuperar o tallado de cabazas para os máis pequenos. Debemos agradecer ás familias o seu apoio nesta iniciativa e a súa extraordinaria participación na exposición de cabazas.Sen a participación das familias os nosos obxectivos sempre quedan a medio camiño, por iso nos gusta e necesitamos contar con todas elas. Esta é unha pequena mostra:

30 de out. de 2013

Samaín en 2º

Estas son as nosas cabazas:

29 de out. de 2013

Así somos os nenos e nenas de 1º curso

A biblioteca e as familias

A Asesoría de Bibliotecas escolares de Galicia, deseñou a elaboración dunha serie de vídeos co fin de mostrar distintos aspectos das boas prácticas nas bibliotecas escolares. 

O noso centro recibiu a proposta para aportar a nosa experiencia na colaboración coas familias.
 O resultado é este vídeo, que hoxe, Día da biblioteca , queremos compartir con vós.
Unha vez máis, queremos agradecervos a vosa colaboración, as vosas propostas, a vosa presenza arredor da biblioteca e da escola.

28 de out. de 2013

Samaín 2013

19 de out. de 2013

Así somos nós

Na clase de Primeiro estamos aprendendo como somos nós. Mirade que chulo quedou o mural que fixemos entre todos/as:

14 de out. de 2013

Máis lecturas en 2º curso

Aquí temos máis textos para traballar a comprensión lectora.


10 de out. de 2013

Carta do ratiño Paco para 2º

CARTA DE PACO PARA 2º  DE PRIMARIA


CÓMO ESTADES? SEGURO QUE MOI CONTENTOS NA VOSA NOVA CLASE.
EU XA VOLVÍN DAS VACACIÓNS .ESTIVEN LENDO TODOS OS LIBROS QUE TIÑADES NA SECCIÓN DE ARTE, OS QUE TEÑEN ETIQUETA ROSA E GOCEI MOITO VIAXANDO POLOS MUSEOS DO MUNDO, ENCÁNTÁRONME

GUSTARÍAME  VER  O  COLE  CONVERTIDO  NUN MUSEO,  ASÍ QUE, QUE  VOS  PARECE  SE INVESTIGADES
 SOBRE VAN GOGH E MARUXA MALLO?

GUSTARIAME TAMÉN QUE  FIXÉRADES A  REPRODUCIÓN  DUN  CADRO   DESTE AUTOR PARA EXPOÑELA.

A  INFORMACIÓN  QUE  ATOPEDES  PODEDES EXPOÑELA  TAMÉN  E  MÁIS  TARDE  CONTARÉDESLLA AOS  VOSOS  COMPAÑEIROS/AS.


APERTAS COLORIDADAS!!!!

Carta do ratiño Paco para 1º

CARTA DE PACO PARA 1º  DE PRIMARIA


COMO ESTADES? SEGURO QUE MOI CONTENTOS NA VOSA NOVA CLASE.
EU XA VOLVÍN DAS VACACIÓNS .ESTIVEN LENDO TODOS OS LIBROS QUE TIÑADES NA SECCIÓN DE ARTE, OS QUE TEÑEN ETIQUETA ROSA, E GOCEI MOITO VIAXANDO POLOS MUSEOS DO MUNDO, ENCÁNTÁRONME

GUSTARÍAME  VER  O  COLE  CONVERTIDO  NUN MUSEO,  ASÍ QUE, QUE  VOS  PARECE  SE INVESTIGADES
 SOBRE MARUXA MALLO?

E PODEDES FACER A  REPRODUCIÓN  DUN  CADRO   DESTA AUTORA?

A  INFORMACIÓN  QUE  ATOPEDES  PODEDES EXPOÑELA  TAMÉN  E  MÁIS  TARDE  CONTARÉDESLLA AOS  VOSOS  COMPAÑEIROS/AS


APERTAS COLORIDADAS!!!!

7 de out. de 2013

Comprensión lectora en 2º curso

O alumnado de 2º curso está traballando diversos textos de lingua castelá para mellorar a comprensión lectora. Aquí temos o enlace.




17 de set. de 2013

A chegada a 1º





As nenas e nenos de 1º fixemos unha foto para lembrar o inicio de curso e saudar a todo o colexio.

Ata pronto!

O primeiro ciclo coida o planeta

Un sitio web produce 0.02 gr. de CO2 por cada visita; máis ou menos 3.6 Kg. ao ano.
Unha árbore absorbe cada ano unha media de 10 kg. de CO2, é dicir, unha árbore reduce as emisións de dióxido de carbono do noso blog por un tempo correspondente a 50 anos.
Por este motivo, o noso blog é de impacto cero.
Só temos que poñer a imaxe de "O noso blog é Co2 Neutral" na web e plantarase unha árbore que axudará a coidar o medio ambiente.

Nós xa o axudamos a coidar o planeta!!

13 de set. de 2013

A clase de Estudo

Hoxe tivemos a nosa primeira clase de estudo. A mestra é María, a mesma que está connosco en Música e en Plástica. Lemos o conto de "Correprisas y Tumbona", no que se fala da importancia de vivir amodo, prestando atención ás cousas que facemos en cada momento.

12 de set. de 2013

DE VOLTA AO COLE!!!

Empezamos o novo curso con moitas ganas! Temos unha clase nova, e... xa no piso de arriba! Hai moitas cousas diferentes na aula: xa non hai alfombra, as mesas son individuais... Pero outras moitas seguen igual: traballamos por equipos, xogamos e aprendemos xuntos... O primeiro día lemos un conto moi divertido que xa case aprendemos de memoria.
Mirade que maiores somos! Nesta foto estamos con Alberto, 
que será o noso titor mentres Gloria non volte ao cole.
Pasámolo moi ben xuntos!

24 de xuño de 2013

21 de xuño de 2013

Que ben o pasamos en 1º!

Aquí tedes un resumo do que fixemos. Canto aprendemos!
Así despedímonos ata o vindeiro curso. Bicos a mares!

18 de xuño de 2013

O xogo dos nomes!

En Educación Física estivemos traballando a Competencia Emocional a través do xogo. Houbo un que gustou moito aos nenos e nenas de primeiro e consistía en intercambiarse un papel mentres sona a música e, cando esta para, abren o papel que teñen na man e len o nome da persoa a que teñen que darlle unha aperta, un bico...



En Educación Física reciclamos!

O alumnado de primeiro estivo estes días traballando con material de reciclaxe nas clases de E.F. Buscarlle outro uso diferente ás latas de refresco gustou moito.

A nosa estación preferida

Os nenos e nenas de 1º fixeron uns debuxos preciosos sobre a súa estación do ano preferida. Ademais, eles mesmos nos explican por que a elexiron.


 

14 de xuño de 2013

O dragón Pepe

Rocío e Borja de 1º cóntannos un conto inventado por eles. 
Esperamos que vos guste!!!



13 de xuño de 2013

Ler xuntos.

Hoxe os nenos e nenas de sexto volveron á clase de segundo a lernos contos na hora de ler. Gustounos moito!:

Carta aos nenos e nenas de 2º curso do CEIP Condesa de Fenosa

12 de xuño de 2013

9 de xuño de 2013

Excursión á Illa de San Simón

Que ben o pasamos no noso día pirata!!!

8 de xuño de 2013

"Moncho e a mancha" e "O león mariño"

Ese é o título do conto que representaros os nenos e nenas de primeiro no Festival das Letras Galegas.Saiulles moi ben, son uns grandes contacontos!:

Despois do conto, tamén bailaron "O león marino", unha canción que compuxo Susa Herrera para o seu libro "En Cabárceno se oye cantar"

Os antollos das margaridas

Os nenos e nenas de 2º representaron a obra de Fina Casalderrey "Os antollos da margarida" no Festival das Letras Galegas. E fixéronno moi ben!:

7 de xuño de 2013

Uxía e o seu pai

Uxía e axudoulle ao seu pai a contarlle como é o seu traballo aos nenos e nenas de segundo. Foi moi interesante! Agora sabemos que a froita que mais se consume é a mazá, e despois o plátano.
Hai que comer moita froita!

Nerea quere ser policía

E por iso escolleu esa profesión para dar a súa charla sobre as profesións. E que ven o fixo!:

Hugo e os seus vermes



Hugo ten uns vermes de seda. 
Despois de observalos e investigar sobre eles, preparou unha ficha e quixo contarnos as cousas que descubriu:


Esta é  a súa ficha:

.Esta é parte da súa exposición:

Lara, Vero e as enfermeiras

Lara e a súa nai, Vero, contáronnos xuntas como é a profesión de enfermeira. Aprendemos a diferencialas polas cores da súa roupa, e como é o seu traballo.
Tamén trouxo un estetoscopio, que serve para sentir os latidos do corazón, e un esfigmomanómetro, que serva para medir a presión arterial.
Despois, todos quiseron probar a buscarse o corazón co estetoscopio.


Recibimos carta

Hoxe volvemos recibir carta dos nenos e nenas de 2º A do CEIP Condesa de Fenosa, do Barco de Valdeorras. Nos contan cousas da súa horta, a mascota da biblioteca, a Olimpiada do saber,..e un montón de cousas mais.
Entramos na súa web para ver como traballan no horto, e tamén un libdup que fixeron, e no que participou todo o colexio. Gustounos moito, moito, e estivemos moi atentos/as.
Aquí estamos mirando o vídeo:





E aquí está o vídeo:

Carta a sexto de Primaria

No Festival das Letras Galegas, o alumnado de sexto leu a súa carta de despedida ao colexio de Quintela.
Os nenos e nenas de 2º curso sentíron que tiñan que corresponderlles, e Mar preparou unha carta de despedida, que firmamos todos/as.
Logo fomos lerlla á clase de sexto. Deunos un pouco de vergoña, pero a eles gustóulles moito.

A táboa do dous

Dende o cole de Cea chéganos esta maneira de repasar a táboa do dous. Non a perdades, imos aprendela xuntos:

http://m.soundcloud.com/ticscea/a-t-boa-do-6-nenas-e-nenos-de

3 de xuño de 2013

Os nenos e nenas de 1º respondemos a Paco

Este curso Paco quixo saber cousas sobre o mar. Os nenos e nenas de 1º tivemos que buscar información sobre os tipos de barcos. Aquí tedes algunhas fotos sobre os nosos traballos.



24 de maio de 2013

Matemáticas divertidas

Entra , curiosea, practica, aprende...

22 de maio de 2013

A pintura na clase de segundo

Mirade este cadro. Recordavos algo?
El de Kandinsky , un pintor ruso que facía pintura abstracta, que é a pintura que xoga cos colores e as figuras.
Ao contrario , a pintura realista é a que reproduce escenas , personaxes ou paisaxes da realidade (  como fotografías)

19 de maio de 2013

Nós contamos, eles contan

Os pequenos de 5º de Infantil estiveron ensaiando o conto "Cabeza de cabaza". e quixeron contárnolo aos nenos e nenas de 2º. Saíulles moi ben!!




E despois, nós contámoslle o conto do "Oso atrapabolboretas" ...que lles encantou!



12 de maio de 2013

Letras galegas

Para ir practicando sobre o escritor das Letras Galegas deste ano, temos este xogo do Seminario Galán :

10 de maio de 2013

O señor da serra

En clase de música bailamos un montón! Aquí tendes o vídeo do baile O señor da serra recollido no libro "Para cantar e bailar" de Luis Prego. Encántanos facer o do túnel!!!

3 de maio de 2013

O Oso Atrapabolboretas na Escola de O Con

Os nosos contadores de contos de segundo de Primaria levaron a EEI O Con "O Oso Atrapabolboretas", de OQO. Estaban moi emocionados porque ían ser eles os que contasen , coma cando veñen os rapaces do IES A Paralaia a contarnos a nós. O público foi excelente e eles contaron este precioso conto así de ben:

2 de maio de 2013

A caixa de música

O xoves os nenos e nenas de 1º e 2º fomos a un Concerto da Escola Municipal de Música, titulado "A caixa de música". 
Gustounos moito. Cantamos a canción, que aprenderamos xa con María, a mestra de música.
Aos nenos e nenas de 2º, e algúns de 1º, tocounos sentarnos arriba, onde se sentan os maiores. Estivemos encantados!




As ilustración e imaxes que publicamos neste blog teñen un uso educativo. Si están suxeitas a dereitos de autor/a, facédenolo saber, para poder retiralas axiña.Grazas