Hoxe a clase de primeiro visitamos aos nenos e nenas de 6º de infantil.
Recitámoslles un poema que xa coñeciamos de Gloria Sánchez titulado "Un soldado detrás dun fusil"
Tamén recitamos a segunda parte que foi unha poesía inventada por nós para falar co soldadiño.
A poesía di así:
Ven con nós soldadiño
deixa as balas que fan tanto mal.
Temos xogos divertidos...
Queres con nós xogar?
Había moitos días que non chovía. Pero o martes 13 de xaneiro foi o 1º día de 2015 que choveu. Hoxe é xoves 15 de xaneiro e temos borrasca. Desde a nosa aula vemos a chuva caer.
O último día de clase do 1º trimestre toda a clase estaba moi nerviosa pola chegada das vacacións de Nadal. Tivemos clase normal ata as 11; pero, non parabamos de preguntar cando tomaríamos o colacao con churros e virían os Reis Magos (escolares) a visitarnos. Para preparar a merenda tivemos a axuda de 2 compañeiras e 1 compañeiro de 6º que organizaron toda a mesa ata que se foron á súa clase a tomar a súa merenda. Fixéronno moi ben, a profe tivo máis tempo para nós e mentres xogamos por toda a aula co material que case nunca nos dá tempo a usar.
As ilustración e imaxes que publicamos neste blog teñen un uso educativo. Si están suxeitas a dereitos de autor/a, facédenolo saber, para poder retiralas axiña.Grazas