11 de maio de 2017

Contacontos IES Carlos Casares

Hoxe aprendemos un pouco máis de Carlos Casares, o escritor das Letras Galegas 2017.
Viñeron ao cole un grupo de alumnos e alumnas do IES Carlos Casares de Vigo que investigaran moito sobre o escritor, tanto que lle deron no curso pasado un premio de Innovación en Normalización Lingüística .
Contáronnos un conto e xogamos a dous xogos on line que eles crearon coa axuda das súas profes.
Pasámolo moi ben, foi moi divertido ver como saían os personaxes de Casares no quebracabezas e na oca.
Moitas grazas Rubén, Lucía e Marta , e tamén ás profes Enma e Bea!!!!




10 de maio de 2017

Os contos das familias

Martiño tiña moitas ganas de que o seu pai viñese contarnos un conto. Así o fixo, compartiu connosco un delicioso conto ilustrado por Gemma Sales "Los buenos amigos"


7 de maio de 2017

A banda deseñada en primeiro curso

Os nenos e nenas de 1º estiveron analizando os libros de banda deseñada e, chegaron a conclusión de que teñen cousas moi curiosas que os libros de narrativa non teñen. Mirade que dixeron....


5 de maio de 2017

As familias contan

Marta veu á clase de primeiro cun interesante conto  de Gerónimo Stilton. Era ademais o primeiro conto que Mara mercara nun mercadillo solidario. 


O conto fala de Oliver, un neno que ten que desprazarse en cadeira de rodas e que vai atopando todo tipo de dificultades para poder moverse.


Marta explicounos que iso eran barreiras arquitectónicas e nós dixemoslle que as atopamos cando vimos andando ao cole e que a algúns dos nosos  avós tamén lle pasaba, non podían acompañarnos ao cole porque polo camiño as beirarrúas non tiñan rampas nin eran o bastante amplas.

Marta e Fran deixáronnos unha caixiña dos desexos , para que fósemos gardando alí os nosos desexos. Alí a temos, enchéndose aos poucos.



4 de maio de 2017

A FROITA FAVORITA EN 2º CURSO

OS NENOS E NENAS DE 2º CURSO FIXEMOS UN CHATTERKID COA NOSA FROITA FAVORITA. MIRADE QUE BEN NOS QUEDARON!!!!



28 de abr. de 2017

As familias contan

En abril , o mes do libro, algunhas familias viñeron a 2º curso a leernos uns contos. Foi estupéndo! Moitas grazas Ana, Marcos e Mayca!



Qué rica, froita!

Esta foi a "semana da froita". As froitas apórtannos moitas cousas, unhas gústannos máis e outras un pouco menos, pero probámolas todas!








27 de abr. de 2017

As familias contan

"Ñac, ñac", de Emma Yarlett é o conto que nos trouxo Tati Era un monstro moi comellón que se metía en todos os contos:


.

As familias contan

Jacobo contounos un conto que nos entusiasmou: El zampapiratas, de Jonny Duddle

Grazas Jacobo!!!

ACTIVIDADES LETRAS GALEGAS 2017

DEIXÁMOSVOS AS ACTIVIDADES SOBRE A BIOGRAFÍA DE CARLOS CASARES.




26 de abr. de 2017

A banda deseñada en primeiro

En primeiro curso estamos aprendendo a facer banda deseñada. As expresións son moi importantes. Mirade que ben o facemos!







24 de abr. de 2017

Semana da froita

Esta é a primeira semana da froita, empezamos co amorodo:



20 de abr. de 2017

Imos de librerías!!

Polo mes de abril sempre nos gusta ver contos novos. Hoxe fomos visitar  á biblio a exposición de contos cedidos polas librerías de Moaña.
Gustábannos moitos pero só podíamos escoller un!!! Que difícil!!




6 de abr. de 2017

BANDA DESEÑADA EN TIC'S

Mirade como avanzaron os nenos e nenas de 2º na elaboración de cómics!!! 





1º SEGUE REUTILIZANDO EN EDUCACIÓN FÍSICA

Usamos as botellas de leite para xogar aos bolos.



1 de abr. de 2017

Poemas birollos

Fran Alonso publicou este ano un divertido libro de poemas "Poemas birollos",que xoga coas palabras e as imaxes, é poesía visual. Xandro divertiunos moito con este poema:

A terra durmida

Un novo poema de Antonio García Teijeiro recitado nesta ocasión por Ari:

A xoaniña

Hugo recitounos un fermoso poema sobre a xoaniña:

31 de mar. de 2017

Seguimos escoitando a Rosalía

Adiós ríos , adiós fontes na voz de Hugo, coas súas preciosas ilustracións:

30 de mar. de 2017

La primavera

Noemí compartiu connosco moi contenta este poema sobre a primavera:

29 de mar. de 2017

No museo MARCO

A extraordinaria colección da exposición "Mulleres no silencio" reúne moitas obras salientables. Entre outras, ao curso de 1º gustoulles observar este cadro de Julia Mnguillón, pertenecente á colección do Museo do Prado. Trátase de "A escola da Doloriñas".Isto foi o que observaron:

  • Non estaba na cidade
  • A ventana non tiña cristais
  • Había poucas cadeiras e mesas
  • Había nenos e nenas grandes e pequenos
  • Non levaban tenis
  • Levaban zocas como as que vimos na nosa aclase
  • Tiña roupa vella
  • Unha nena non ten calcetíns
  • Comían figos
  • Tiñan poucas cousas
  • Non hai xoguetes
  • Teñen un pizarrín
  • ........
Era unha escola moi diferente á nosa!!!
Pero o que máis lles gustou observar é que o cadro era algo máxico!!! Algúns nenos mirábannos todo o tempo!!!

Teatro A Fundación

O luns, os nenos e nenas de primeiro e segundo curso fomos de excursión a Vigo. Foi un día cargado de aventuras. En primeiro lugar fomos ver o espectáculo de Mamá Cabra que nos ·cantou" sobre a importancia de compartir, de respectar e de rir. Encantáronnos os instrumentos, as cancións e maila historia.

Escribimos noticias en 2º


28 de mar. de 2017

Visitamos o MARCO

Os nenos e nenas de segundo, acompañados dos nenos e nenas de terceiro, visitasmos o MARCO, o museo de arte contemporáneo.
Despois de visitalo escribímola noticia.
Pasámolo xenial!

Noticias visita 2º ao MARCO



Seguimos reciclando en 2º

Nesta sesión de Educación Física en segundo curso empregamos botellas de leite para xogar aos bolos.


27 de mar. de 2017

Rosalía de novo

Como nos gusta!!!

Cantares Gallegos

Un novo poema de Rosalía de Castro na voz de África:

O gato don Honorato

O simpático gato don Honorato veu á clase de 1º da man de Aarón. Un poema de Helena Villar Janeiro

Poema de inverno

Naroha compartiu connosco un poema de Alba Sánchez sobre o frío inverno:

24 de mar. de 2017

Chocolate

Este é un poema moi saboroso que compuxo Pedro para todos nós:

Gloria Fuertes en 1º

Tamén nos gusta Gloria Fuertes, Aitana recitou un pareado sobre a poesía:

A primavera

Hoxe un poema sobre a primavera, de Alejandra Martínez na voz de Antía:

22 de mar. de 2017

De Rosalía pequeniña,Xan

Rosalía é a nosa poeta preferida. Non paramos de recitar os seus poemas. Darío tróuxonos un poema que está musicado no libro "Rosalía pequeniña"

21 de mar. de 2017

Poema "Os meses"

Ari recitounos un poema lindísimo de Santiago Freire, do seu libro Martingadas " Os meses" :

20 de mar. de 2017

Adiós ríos

Adiós ríos, adiós fontes;
adiós regatos pequenos;
adiós vista dos meus ollos:
non sei cando nos veremos.

Este poema de Rosalía de Castro recitounos Mara:

18 de mar. de 2017

Máis material de refugallo en Educación Física

Nesta sesión, empregamos neumáticos!!!




16 de mar. de 2017

Teño tres pitas

Rosalía de Castro , no seu libro "Follas Novas" escribiu este fermoso poema que trouxo Mario:

15 de mar. de 2017

Visita a Aula de Instrumentos Tradicionais de Moaña

Xavier Blanco ensinounos un monte de músicas que se poden facer con cunchas,froitos e canas:

14 de mar. de 2017

Como se dibuja a un niño

Gloria Fuertes visitou a clase de 1º na voz de Jaime e o seu poema "Como se dibuja un niño":

É fermoso ser o vento

Martiño tróuxonos un poema de Antonio García Teijeiro, do  libro  "Trozos, trazos e retrincos":
É fermoso 
ser o vento
e correr, correr, correr.

É fermoso 
ser a nube
e chover, chover, chover.

É fermoso 
ser paxaro
e volver, volver, volver.

É fermoso
ser araña
e tecer, tecer, tecer.

13 de mar. de 2017

O meu barco

Comezan os recitados en 1º!!
Foi Irene quen comezou cos recitados de poemas.Trouxonos un fermoso poema de Manuel María:
                                                                       O MEU BARCO
Teño un barco de xoguete
e nel me quero embarcar.
Polos mares dos meus soños
quen me verá navegar!

Navegarei por mil ríos
sete mares hei cruzar.
No meu barco de xoguete
cansarei de viaxar!

No meu barco de xoguete,
mariñeiro e capitán...!
Non teño medo ó trebón
nin me asusta o furacán!

O meu barco de xoguete!
O meu barco moito val:
verei terras, verei illas,
verei mares de coral...!

Andei tódolos mares!
Xa cansei de navegar
co meu barco de xoguete
sen saír do meu fogar!

10 de mar. de 2017

DÍA DA ÁRBORE

Aquí vos deixamos unhas fotos e un pequeno texto feito por Iván da nosa saída ao Mirador dos Parentes para festexar o Día da árbore.




 

9 de mar. de 2017

MATERIAL DE REFUGALLO NAS SESIÓNS DE EDUCACIÓN FÍSICA

Os nenos e nenas de 1º e 2º estamos a traballar con material reciclado nas sesións de Educación Física. Entre outros, usamos latas de refresco. Mirade que ben o pasamos.




XOGAMOS CON MATERIAL DE REFUGALLO NA AULA DE 1º

Estos días, en Educación Física, estamos a traballar con material reciclado. Esta vez usamos xornais e pasámolo xenial!!!


5 de mar. de 2017

ENTROIDO 2017

AQUÍ TEDES UN AMPLO RESUMO DO BEN QUE O PASAMOS NO ENTROIDO DE QUINTELA: MERENDAMOS AS SOBREMESAS TÍPICAS DE ENTROIDO, CANTAMOS AS COPLAS, DESFILAMOS ARREDOR DO COLE E PARTICIPAMOS NO ENTERRO DA XOUBIÑA. PASÁMOLO XENIAL!!!




22 de feb. de 2017

Entroido animal

Moitos felinos tiñamos hoxe en primeiro:

Encomendas de Paco

Onte na clase de primeiro había moito sono:

20 de feb. de 2017

Entroidadas

"Se no cole queres entrar, moito medo tes que dar"
Así de terroríficos estában hoxe os nenas e nenas de primeiro:


17 de feb. de 2017

2º practica cómic co programa Paint

Os nenos e nenas de 2º curso están traballando o cómic de diversas maneiras e con distintos soportes. Un deles é o programa Paint. Estamos coas primeiras sesións, pero están a facelo moi ben!


6 de feb. de 2017

DÍA DA PAZ

O pasado 30 de xaneiro, celebramos no colexio o Día da paz e a non violencia. Os nenos/as de 6º de Primaria léronnos o manifesto pola paz e cada curso a continuación leu a súa mensaxe de paz. Cantamos e bailamos a canción de Toc Toc de Pablo Díaz e colgamos as nosas mensaxes e símbolos de paz na entrada do colexio.

2 de feb. de 2017

Vídeos de axuda para articular o son S e Z !

Os sons S e Z son moi parecidos e confúndense frecuentemente. Por iso ofrecémosvos dous vídeos que axudarán aos nenos a diferencialos.














Vídeos para mellorar a fala!

Deixámosvos algún vídeo novo que nos pode axudar para mellorar a mobilidade da lingua e a motricidade orofacial.




1 de feb. de 2017

Equilibrio na aula de 1º

Nas sesións de Educación Física, os nenos e nenas de 1º estivemos traballando o equilibrio. Dos moitos xogos que fixemos, gustáronnos os zancos e o xogo popular do 1,2,3, escondite inglés!!
Pasámolo en grande!




31 de xan. de 2017

Poemas de paz

Recibimos na clase de 1º a Iván e Aisha, de 3º de primaria, que nos recitaron o poema de Xosé Luis García "O neno e o xabarín"
Gustounos moito esta historia do xogo entre un xabarín ao que non lle gustaban as guerras e un neno.

As ilustración e imaxes que publicamos neste blog teñen un uso educativo. Si están suxeitas a dereitos de autor/a, facédenolo saber, para poder retiralas axiña.Grazas